რას გააკეთებს?
AI დაგეხმარება, გადაწყვეტილებას ემოციით კი არა, მისი ყველაზე სუსტი წერტილების გაანალიზებით შეხედო. ის ჯერ ააგებს ძლიერ საწინააღმდეგო არგუმენტს, შემდეგ კი გამოყოფს საეჭვო ვარაუდებს, შესაძლო ზარალსა და დასაზუსტებელ ინფორმაციას.
ვის გამოადგება?
- ბიზნესის ან ახალი პროექტის დაწყების წინ
- სამსახურის შეცვლის ან დიდი შენაძენის დაგეგმვისას
- ნებისმიერი მნიშვნელოვანი არჩევანის წინ, როცა ზედმეტი ოპტიმიზმისგან დაცვა გჭირდება
დააკოპირე პრომპტი
ვფიქრობ შემდეგი გადაწყვეტილების მიღებაზე: [აღწერე იდეა ან გადაწყვეტილება]. ნუ დამეთანხმები ავტომატურად და ნუ ეცდები ჩემს გამხნევებას. ჯერ ააგე ყველაზე ძლიერი არგუმენტი ამ გადაწყვეტილების წინააღმდეგ. იპოვე რისკები, ხარჯები, სუსტი წერტილები და შესაძლო შედეგები, რომლებსაც შეიძლება ვერ ვხედავდე. შემდეგ მიპასუხე: 1. რა ვარაუდებზე დგას ჩემი იდეა; 2. რომელი ვარაუდია ყველაზე საეჭვო; 3. რა შეიძლება წავიდეს ყველაზე ცუდად; 4. რა ინფორმაცია მაკლია გადაწყვეტილების მისაღებად; 5. რა ფაქტი ან მტკიცებულება შეცვლიდა შენს შეფასებას. ბოლოს აირჩიე ერთი: გააგრძელე / ჯერ გადაამოწმე / უარი თქვი — და მოკლედ ამიხსენი რატომ. თუ საკმარისი ინფორმაცია არ გაქვს, ჯერ არ გააკეთო დასკვნა. დამისვი საჭირო კითხვები სათითაოდ.
როგორ გამოიყენო
- ჩასვი კონკრეტული იდეა ან გადაწყვეტილება და მნიშვნელოვანი კონტექსტი.
- უპასუხე AI-ის დამაზუსტებელ კითხვებს სათითაოდ.
- საბოლოო შეფასების შემდეგ სთხოვე, ისეთივე სიმკაცრით დაიცვას იდეაც და შეადაროს ორივე მხარის მტკიცებულებები.
მაგალითად
„ვფიქრობ სამსახური დავტოვო და პატარა კაფე გავხსნა პრაღაში.“ AI-მ მხოლოდ მოტივაცია არ უნდა მოგცეს — უნდა დაგანახოს, რა უნდა იყოს რეალურად მართალი იმისთვის, რომ ეს ნაბიჯი გამართლდეს.
შემდეგ ჰკითხე
ახლა დაიცავი ჩემი იდეა ისეთივე სიმკაცრით და შეადარე ორივე არგუმენტი. რომელ მხარეს აქვს უფრო ძლიერი მტკიცებულებები?