სოციალურ ქსელში ნახე? გადაამოწმე, სანამ დაიჯერებ

სოციალურ ქსელში ვნახე ეს ინფორმაცია და მინდა გავარკვიო, რამდენად შეესაბამება სიმართლეს.

[ჩასვი პოსტის ტექსტი ან ბმული / ატვირთე სქრინშოტი]

იმუშავე როგორც ფაქტების გადამმოწმებელი.

1. ჯერ ზუსტად ჩამომიყალიბე, რას ამტკიცებს ეს პოსტი.
2. დაადგინე, ვინ არის ინფორმაციის თავდაპირველი წყარო. არ ჩათვალო ის გვერდი ან ანგარიში პირველწყაროდ მხოლოდ იმიტომ, რომ იქ ვნახე პოსტი.
3. გადაამოწმე მთავარი მტკიცებები ინტერნეტში. უპირატესობა მიანიჭე პირველად წყაროებს — ოფიციალურ დოკუმენტებს, სახელმწიფო უწყებებს, კვლევებს, კომპანიის ოფიციალურ განცხადებებს — და შემდეგ სანდო დამოუკიდებელ მედიას.
4. აუცილებლად შეამოწმე თარიღი: ძველი ფოტო, ვიდეო ან ამბავი ხომ არ ვრცელდება ახალი მოვლენის სახელით.
5. თუ პოსტში ფოტო ან სქრინშოტია, აღწერე, რისი გადამოწმება შეგიძლია და რისი — არა. მხოლოდ გამოსახულების მიხედვით ნუ გამოიტან საბოლოო დასკვნას.
6. გამოყავი ერთმანეთისგან დადასტურებული ფაქტი, დაუდასტურებელი მტკიცება, მოსაზრება და მანიპულაციური ინტერპრეტაცია.
7. მნიშვნელოვანი მტკიცებისთვის მომეცი შესაბამისი წყარო და ბმული.
8. თუ სანდო მტკიცებულება ვერ იპოვე, პირდაპირ დაწერე „ვერ გადავამოწმე“. არ გამოიგონო ფაქტები ან წყაროები.

ბოლოს მომეცი ძალიან მარტივი დასკვნა:

✅ ძირითადად სიმართლეა
⚠️ ნაწილობრივ სიმართლეა / კონტექსტი აკლია
❓ ჯერ ვერ დასტურდება
❌ მცდარია

შემდეგ მაქსიმუმ 5 წინადადებით ამიხსენი რატომ და ჩამომითვალე 2–3 ყველაზე მნიშვნელოვანი წყარო.